Наманган - Андижон - Марғилон – Қўқон электрлаштирилган айланма темир йўлида 31 августдан бошлаб йўловчиларни ташишни бошлади.
“Ўзбекистон темир йўллари” ширкатининг билдиришича, мазкур айланма йўлнинг очилиш маросими 30 август куни бўлиб ўтган.
“Кун уз” нашрининг хабар беришича, электропоезднинг вагонлари кондиционер, юмшоқ ўриндиқ ва телевизорлар билан жиҳозланган. Наманган–Қўқон, Қўқон - Марғилон шаҳригача электропоездда бориш 5 минг сўм, Андижондан Қўқон шаҳригача 7 минг сўмни ташкил қилади.
“Буни автотранспорт билан таққослайдиган бўлсак, ҳозирда бу йўналишларга таксида бориш 25-30 минг сўмга тушади”,-дейилади хабарда.
“Ўзбекистон темир йўллари”нинг билдиришича, сентябрь ойидан Наманган–Тошкент йўналиши бўйича ҳам электропоездлар қатновини йўлга қўйиш режалаштирилган.