Беларус Тергов қўмитаси 16 сентябрь куни мухолифати лидерларидан бири Мария Колесниковага “миллий хавфсизликка таҳдид солувчи ҳаракатларга чақириш” моддаси асосида айблов билдирди.
Колесникова 7 сентябрда қўлга олинган ва кучишлатар тузилмалар томонидан Украинага мажбурий депортация қилинган. Аммо Колесникова Украина чегарасида қочишга муваффақ бўлган ва Беларусга қайтганди.
9 сентябрь куни Тергов қўмитаси Мария Колесникова, Максим Знак ва адвокат Илья Салей ҳибс қилинганини билдирган.
12 сентябрда Колесникова Минскдаги тергов изоляторидан Жодинодаги колонияга кўчирилган.
Беларусда 9 августда ўтган президентлик сайловида мамлакатни 26 йилдан бери бошқариб келаётган Александр Лукашенко ғолиб чиққани эълон қилингани ортидан норозилик намойишлари бошланиб кетган эди.