Андижон вилояти Олтинкўл туманининг ҳокими Назиржон Ўринбоев оламдан ўтди. Бу ҳақда журналист Хуршид Далиев ўз Телеграм-канали орқали хабар қилган.
Олтинкўл туманини 2018 йил октябридан бери бошқариб келган 54 ёшли Н. Ўринбоев пневмониядан даволанаётгани ҳақида Озодлик аввалроқ хабар қилганди.
Наманган вилояти ҳокимлиги матбуот хизмати маълумотига кўра, 7 октябрь куни вилоят ҳокимининг ўринбосари Баҳромжон Нурматов ҳам Тошкент шаҳридаги клиникалардан бирида оғир хасталикдан вафот этган.
Газета.уз нашрининг аниқлик киритишича, 56 ёшли Б. Нурматов вафотига COVID-19 га чалиниш ортидан юзага келган хасталикнинг зўрайиши сабаб бўлган бўлиши мумкин.