Apple ширкати 13 октябрда жамоатчиликка тақдим этган iPhone 12 мобил алоқа тармоғининг бешинчи авлоди - 5Gга уланиш имкониятига эга бўлган илк смартфондир.
iPhone 12 ўзидан олдинги смартфондан 11 фоизга юпқароқ ва 16 фоизга енгилроқдир. Унинг диагонали 15,5 сантиметр (6,1 дюйм).
У OLED-дисплей ва Ceramic Shield қопламасига эга. Reuters мазкур смартфоннинг нархи 799 доллардан бошланишини ёзди.
Етти элементдан иборат янги камера паст ёруғликда 27% яхшироқ ишлайди. Яна бир янгилик шундан иборатки, смартфоннинг орқа панелда MagSafe магнитли улагич жойлашган.
iPhone 12 қора, оқ, қизил, кўк ва яшил рангларда сотувга чиқарилади. Смартфоннинг iPhone 12 mini, iPhone 12 Pro модификациялари диагонали 6,1 дюйм, Pro Max диагонали 6,7 дюйм бўлди.