Индонезиянинг Sriwijaya Air авиакомпаниясига оид учоқ пойтахт Жакартадан ҳавога кўтарилганидан 1 дақиқа ўтиб радарлардан йўқолиб қолган.
SJ 182 рейси билан учган самолёт бортида 62 йўловчи бўлгани айтилмоқда.
Улардан етти нафари болалар, шунингдек, икки нафари чақалоқ бўлган.
Радарлардан йўқолиб қолган самолёт Boeing 737-500 бўлган ва у Понтианак шаҳри томон йўл олган.
Маълум бўлишича, Boeing 737-500 самолёти ҳалокатга учраган.
Учоқ Лангканг ороли яқинидаги сувга қулаган. Ҳозирда ҳалокат содир бўлгани тахмин қилинаётган ҳудудда қидирув ишлари амалга оширилмоқда.
Интернетда Boeing 737 самолётининг бўлаклари топилгани ҳақида кўплаб видеолар тарқалди.
Авиакомпания воқеа тафсилотлари ҳақида маълумот бергани йўқ.