Туркманистонда амалдорларга президент Гурбангули Бердимуҳамедовнинг вафот этган отаси учун мотам белгиси сифатида сочларини тақирлаб олдириш ва миллий дўппи кийиш буюрилди.
Бу ҳақда Озодлик радиосининг туркман хизмати хабар берди.
Ушбу қоида президент отаси вафот этганидан кейин миллий бош кийимини кийиб жамоатчилик олдида пайдо бўлганидан кейин жорий қилинган.
Маликқули Бердимуҳамедов 18 май куни 88 ёшида вафот этган эди.
Отаси вафотидан сўнг, Туркманистон президенти етти кун давомида жамоат ва давлат телевидениесида кўринмади.
Туркман оти ва Алабайнинг миллий куни тантаналарига президентнинг ўғли Сердар бошчилик қилди.