Ўзбекистонда коронавирусга чалиниш бўйича кунлик антирекорд яна янгиланди. Расмий хабарларга кўра, 18 июнь куни 400га яқин кишида коронавирус аниқланган.
Бу жорий йилда қайд этилаётган энг юқори кўрсаткич.
"2021 йил 18 июнь ҳолатига кўра, Ўзбекистонда коронавирус инфекцияси қайд этилганлар сони 105610 (+391) нафарни ташкил этмоқда", дейилади вазирлик хабарида.
Шунингдек, 1 нафар коронавирусга чалинган бемор вафот этиб, касалликдан вафот этганлар сони 718 нафарни ташкил қилди.
Айни пайтда тиббиёт муассасаларида 3581 нафар бемор даволанмоқда.