Ўтган бир сутка ичида Россияда, шунингдек, аннексия қилиб олинган Қрим ҳам қўшиб ҳисобланганда, коронавирусга чалинган 34 минг 303 янги бемор аниқланди.
"Интерфакс" агентлигининг қайд этишича, бу пандемия бошланганидан буён қайд этилган навбатдаги анти-рекорддир. Касалликнинг тарқалиши барча минтақаларда бирдек ошиб бормоқда.
Ўтган бир суткада касалланган 997 киши ўлди.
Пандемия бошланганидан бери Россияда вирусни юқтириб олганлар сони 8 миллионга яқинлади - 7 992 687 нафарга етди.