Pfizer ўзининг янги коронавирус таблеткаси PAXLOVID 89 фоиз самарали эканлигини эълон қилди.
Компания матбуот-релизида айтилишича, таблетка синовида енгил ва ўртача даражадаги коронавирус билан касалланган 1200 нафар киши иштирок этган.
Вақтинчалик таҳлил таблетка касаллик ташхисидан кейин уч кун ичида қабул қилинса, CОVID-19 туфайли оғирлашиш ёки ўлим хавфи 89% га камайишини кўрсатган.
Шундай қилиб, таблеткаларни қабул қилган 607 кишидан иборат гуруҳда фақат 6 киши касалхонага ётқизилган, ўлим ҳолатлари қайд этилмаган.
Ҳозир ширкат PAXLOVID дан фойдаланишга руҳсат олиш учун ҳужжат тайёрламоқда.
"Бугунги янгилик ушбу пандемиянинг ҳалокатли оқибатларини олдини олишга қаратилган глобал саъй-ҳаракатларни ўзгартиради. Ушбу маълумотлар шуни кўрсатадики, бизнинг оғиз орқали қабул қилинадиган антивирал дори, агар тартибга солувчи органлар томонидан тасдиқланса ёки рухсат берилса, беморнинг ҳаётини сақлаб қолиши, CОVID-19 инфекциясининг оғирлигини камайтириши тайин", - деди компания бош директори Алберт Бурла.
Октябр ойи бошида Американинг Меrcк фармацевтика компанияси коронавирус инфексияси билан касалхонага ётқизиш ва жиддий аломатлар ривожланишининг олдини олишга ёрдам берувчи таблетка яратилишини эълон қилганди.
Молнупиравир моддасининг синовларида 700 дан ортиқ киши иштирок этди, улар орасида хавф остида бўлган беморлар ҳам бор эди.
Компания маълумотларига кўра, препаратни қабул қилганларнинг атиги 7 фоизи интенсив терапияга тушган. Меrк ширкати маълумотига кўра, препаратни ташхис қўйилганидан кейин биринчи беш кун ичида олиш керак.
Тадқиқотлар давомида таблетка кунига икки марта берилади. Улар касалликнинг ривожланган босқичида препаратни қабул қилган одамларга сезиларли таъсир кўрсатмаган.
Компаниянинг таъкидлашича, ташқи регуляторлар дори синовининг учинчи босқичини муддатидан олдин якунлашни таклиф қилишган, чунки таблеткалар коронавируснинг барча вариантларига қарши жуда юқори самарадорликни кўрсатди.
Шу билан бирга, компания препаратнинг мумкин бўлган ён таъсири ва уни қўллашга қарши кўрсатмалар ҳақида хабар бермади.
Меrcк сертификатлаш учун FDAга топшириш учун ҳужжатларни тайёрламоқда, шунингдек, турли мамлакатлардаги бошқа фармацевтика компаниялари билан женерикларни ишлаб чиқариш бўйича шартномалар тузмоқда.