Қўшма Штатлар Украинанинг мустақиллик куни бўлган 24 августда Киевга 3 миллиард долларлик ёрдам пакетини тақдим қилади. Бу ҳақда Reuters ва Associated Press агентликлари президент Байден маъмуриятидаги ўз манбаларидан олинган маълумотга таянган ҳолда хабар қилишган.
Агар мазкур иш амалга ошгудек бўлса, бу АҚШ томонидан уруш бошидан буён Украинага берилган ёрдам траншининг энг каттаси бўлади.
АҚШ Конгресси ҳаммаси бўлиб Украинага 40 миллиард долларлик ёрдам пакетини маъқуллаган, бу маблағнинг 20 миллиарди ҳарбий эҳтиёжлар ва мудофаа салоҳиятини ошириш учун сарфланиши айтилган.