Арманистонда қарийб 10 кундан бери давом этаётган намойишлар етакчиси Никол Пашинян қўлга олиниши ортидан пойтахт Ереван марказий майдонига 22 апрель куни кечқурун ўн минглаб одамлар норозилик билдириш учун йиғилди.
Пашинян бош вазир Серж Саргсян билан ўтган муваффақиятсиз музокаралардан сўнг 22 апрель кунги намойиш пайтида қўлга олинган эди. Айни пайтда унинг қаерда экани номаълум бўлиб қолмоқда.
Полиция тарқатган расмий баёнотда Пашинян ва икки тарафдори ноқонуний намойишларни, такрорий огоҳлантиришларга қарамай, давом эттиргани учун воқеа жойидан "куч билан олиб кетилгани" айтилди.
Полиция 22 апрель куни ҳам давом этган намойишларни тарқатиш учун шовқин соладиган гранаталардан фойдаланди.
Арманистонда мухолифат лидери Никол Пашинян қўлга олинди
Мухолифат лидери Никол Пашинян Бош вазир Серж Саргсян билан учрашувдан сўнг Марриот меҳмонхонасидан чиқмоқда. (22 апрел)
Бош вазир Серж Саргсян (чапда) ва мухолифат лидери Никол Пашинян учрашуви уч дақиқа давом этди демоқда журналистлар.
Ереванда Никол Пашинян етакчилик қилаëтган намойишларда намойишчилар ëнида полиция ходимлари.
Полиция мухолифат лидери Никол Пашинянни қўлга олмоқда.
Полиция Еревандаги ҳукуматга қарши намойишда мухолифатчи парламент аъзоси Сасун Микаэлянни қўлга олмоқда.
Лидерсиз қолган намойишчилар Ереван марказига қайтишди.
Полиция Ереваннинг Республика майдонида намойишчига куч ишлатмоқда.
Седа Мавиан: "Мен журналистман¸ аммо биринчи навбатда мен фуқароман. Сизлар ҳам биринчи навбатда полиция эмас Арманистон фуқароларисиз!"
Ереванда тўртта руҳоний мухолифат намойишида.
Намойишчилар Еревандаги полиция участкаларидан бирининг атрофида тўпланмоқда.
Намойишчилар Ереваннинг Республика майдонида.