Беларусь Ички ишлар вазирлиги Озод Европа-Озодлик радиоси беларусь хизматини “экстремистик ташкилотлар” рўйхатига киритди.
Декабрь ойининг бошларида Минск суди Озод Европа-Озодлик радиоси беларусь хизматининг ижтимоий тармоқлардаги аккаунтларини экстремистик деб топиш тўғрисда ажрим чиқарганди.
Ўшанда Озод Европа-Озодлик радиоси президенти Жейми Флай суд қарорини танқид қилган эди.
Беларусда 2020 йилнинг августида ўтган президентлик сайловларида амалдаги президент Александр Лукашенко ғолиб бўлгани эълон қилингани ортидан мамлакатда бир неча ой давом этган норозилик намойишлари бўлиб ўтганди.
Мухолифат овоз бериш натижалари сохталаштирилганини билдирган. Шундан сўнг Беларусда бир неча юз мухолифатчи қамоққа олинган.