Қирғизистон Ўзбекистондан гўшт ва чорва импортига қўйилган вақтинчалик чекловларни бекор қилгани тўғрисида 20 февраль куни Озодлик радиоси қирғиз хизмати қишлоқ хўжалик вазирлигига таянган ҳолда хабар берди.
Қирғизистон 2022 йилда Ўзбекистондан чорва моллари ва гўшт, АҚШдан эса парранда ва парранда гўшти импортини вақтинча чеклаган эди. Бунга чорва моллари ва паррандаларда касалликлар аниқлангани сабаб бўлганди.
Айни пайтда Қирғизистон Қозоғистоннинг Қарағанда вилоятидан, Россиянинг Оренбург вилояти, Бурятия ва Бошқирдистон республикаларидан, Ҳиндистон, Монголия ва Афғонистондан чорва моллари, гўшт маҳсулотлари ва паррандачилик маҳсулотлари импорт қилинишига қўйилган чекловларни сақлаб қолган.
Расман билдирилишича, бу мамлакатларда чорва ва паррандалар турли ҳил касалликларга чалингани аниқланган.
