Коронавирус инфекцияси иккинчи тўлқинига қарши кураш қабатида Германия карантин чораларини кучайтирмоқда.
Канцлер Ангела Меркель 13 декабрь куни Германия ерлари ҳукуматлари федерал расмийлар билан янги йил байрамлари тугагунига қадар аксарият дўконларни ёпиш дохил қатор чеклов чораларини мувофиқлаштирганларини билдирди. Унга мувофиқ, 16 декабрдан 10 январга қадар мактаблар ёпилади. Фақат чакана савдо билан шуғулланувчи супермаркет ва дорихона каби муассасаларгина ўз ишини давом эттиради. Бундан ташқари, банклар ҳам фаолиятини тўхтатмайди.
Меркелга кўра, бу борада тезкор чоралар кўрилиши зарур. Германия олти ҳафтадан буён қисман изоляция шароитида яшамоқда, мамлакатда барлар ва ресторанлар ёпилган. Бироқ Германияда, Европанинг бошқа мамлакатларида бўлгани каби, коронавирус юқтириб олганлар ва бу хасталик туфайли вафот этганлар сони бетўхтов ўсиб бормоқда.
Бу орада АҚШ расмийлари мамлакатда ўн миллионлаб америкаликларни эмлаш бўйича бир неча ойга мўлжалланган кенг кўламли логистик амалиёт доирасида аҳолини коронавирусга қарши эмловдан ўтказишни бошланганини билдирдилар.
Operation Warp Speed ҳукумат ширкатининг юқори лавозимли амалдори Густав Перна 12 декабрь куни Pfizer-BioNTech вакциналарини бевосита ишлаб чиқариш объектларига тақсимлаш бошлаб юборилганини билдирган. Логистика ширкатлари 13 декабрдан вакциналарни тақсимлаш марказларига етказишга киришган. Бу марказлардан препаратлар касалхоналар ва тиббиёт марказларига йўлланиши кутилмоқда.