Франция президенти Эммануэль Макроннинг коронавирусга топширган тести мусбат натижа берган. Бу ҳақда Елисей саройи маълумот тарқатди.
Message de l’Élysée : pic.twitter.com/KeG9qtowrO
— Soraya Morvan-Smith (@SMorvanSmith) December 17, 2020
Қайд этилишича, Макронда инфекция асоратлари кўринган. У бир ҳафтага ўзини ўзи иҳоталайди, бироқ ишлашда давом этади.
Аввалроқ АҚШ президенти Дональд Трамп, Британия бош вазири Борис Жонсон ва бошқа қатор давлат раҳбарлари коронавирус юқтириб олган ва кейин соғайиб кетган эдилар. COVID-19 важидан қатор собиқ давлат арбоблари, шу жумладан Франциянинг собиқ президенти Валери Жискар д'Эстен вафот этган.
Францияда шу кунда тунги комендантлик соати дохил кескин карантин чоралари амал қилмоқда. Эпидемия бошидан бери бу мамлакатда 2,5 миллион чоғли одам коронавирусга чалинган, 60 мингга яқин бемор вафот этган.