Британия ҳукумати ҳар куни мамлакат ҳудудида 200 мингга яқин киши коронавируснинг Омикрон штаммини юқтираётган бўлиши мумкинлигини билдирди. Мазкур рақам расмий статистикага эмас, илмий моделлаштириш натижаларидан келиб чиқиб эълон қилинди.
Бугунги кунгача Британияда расман фақат 5 минг киши коронавируснинг Омикрон штаммига чалингани қайд этилган. Мазкур штаммга чалинганлар сони ҳар-икки уч кунда икки баробарга кўпаймоқда.
Бир неча кун олдин Бош вазир Борис Жонсон Омикрон штаммига чалинган илк бемор вафот этганини билдирган.
Британияда уч ҳафта олдин Жанубий Африка Республикасида аниқланган Омикрон штаммига чалинган мингдан ортиқ бемор аниқланган.
Жаҳон соғлиқни сақлаш ташкилоти Омикрон штамми бошқа штаммларга қараганда тезроқ тарқалишини, аммо бу штамм ўта хавфли эмаслигини маълум қилган. Шу кунгача коронавируснинг мазкур штамми 63 давлатда аниқланди.