Жанубий Африка Республикасида 1984 йилги Нобель Тинчлик мукофоти лауреати, англикан черкови архиепископи Десмонт Туту 91 ёшида оғир касаллик оқибатида вафот этгани тўғрисида 26 декабрь куни президент Сирил Рамафоса маълум қилди.
Туту Жанубий Африка Республикасида оқ танлиларни қора танлилардан устун қўйган апартеид режимига қарши курашган машҳур шахслардан бири. Апартеид режими мамлакатда 1940 йилдан 1994 йилгача ҳукмронлик қилган.
Туту Жанубий Африка Республикасидаги энг йирик Йоханнесбург шаҳрининг илк қора танли епископи бўлган.
Апартеид тузими қулаганидан сўнг Туту Адолат ва ярашув комиссиясининг раиси бўлган. Мазкур комиссия апартеид тузуми пайтида сиёсий мотивлар асосида қамалганларнинг ишларини қайта кўриб чиққан ва улардан ўндан бирини оқлаган.