Edaalate Ali хакерлар гуруҳи эрон президенти Иброҳим Раисийнинг Ислом инқилобига 44 йил тўлиши муносабати билан сўзлаган нутқи онлайн трансляциясини узиб қўйди.
Давлат телеканалида Раисийнинг нутқи узилиб, унинг ўрнига ниқоб таққан киши пайдо бўлди ва у эронликларни норозилик намойишларида иштирок этишга ҳамда “коррупциялашган режимнинг пулларини” банклардан олиб чиқиб кетишга чақирди. 44 секнудлик бу ролик Ислом республикаси ҳамда оятуллоҳ Али Ҳаманеига ўлим тилаш билан якунланди.
Эрон матбуоти хакерлар президент нутқини фақат интернетда узиб қўйгани ҳақида ёзмоқда.
Эронда норозилик намойишлари ўтган йилнинг кузида бошланиб кетган эди. Бунга полиция томонидан ҳижобни нотўғри ўрашда айбланиб қўлга олинган 22 ёшли Маҳси Аминийнинг ўлими сабаб бўлган эди. Норозилар Аминий полициячилар томонидан ўласа қилиб калтакланганини иддао қиладилар.
Инсон ҳуқуқлари ташкилотларининг билдиришича, намойишлар чоғида полиция билан тўқнашувларда камида 500 норози ҳалок бўлди, 20 мингга яқин одам қамоққа олинди. Норозилик намойишлари қўлга олинганлардан айримлари ўлим жазосига ҳукм қилингани ортидан тўхтай бошлаган.
Эрон президенти нутқи трансляциясини хакерлар узиб қўйди
Эрон президенти Иброҳим Раисий ислом инқилобининг 44 йиллиги муносабати билан Теҳронда нутқ сўзламоқда. 11 февраль, 2023 йил.