АҚШдаги молиявий янгиликларни ëритувчи Bloomberg агентлиги мухбири билан суҳбатда Ўзбекистон Молия вазири Жамшид Қўчқоров¸ жорий йил давомида Тошкент ҳукуматининг 300 миллион долларгача қийматдаги евробондни сотувга чиқаришни режалаëтганини билдирди.
Қўчқоровнинг агентликка айтишича¸ мамлакатни хориж инвестициясига очиш мақсадида Тошкент ҳукумати АҚШдаги Citigroup Inc. билан Ўзбекистоннинг мустақил кредит рейтингини белгилаш бўйича меморандум имзолаган.
Ню-Йоркдаги Oppenheimer сармоя банкининг ривожланаëтган бозорлар бўйича етакчи мутахассиси Фарҳод Инағомбоев¸ бу жарëннинг бошланганини Ўзбекистонни жаҳон молия тизимига қўшиш йўналишида қўйилган жуда муҳим қадам деб баҳолади.
Ўтган йили Тожикистон ҳукуматининг ярим миллиард долларлик евробондни сотувга чиқариш жараëнида бевосита қатнашган ўзбекистонлик молиячи¸ Ўзбекистон ҳукумати учун ҳам¸ сармоядорларга жозибасини кучайтириш ва процент ставкасини арзонлаштириш учун бу қадамни камида 500 миллион доллардан бошлашни тавсия этди.
Браузерингиз HTML5 ни қўллаб- қувватламайди
Фарҳод Иноғомбоев:Ўзбекистон ҳам евробонд чиқаришни камида $500 миллиондан бошлаши керак!