Forbes журналининг украин версияси Россия Украинага уруш очган 18 кун ичида 5 миллиард 100 миллион долларлик ҳарбий техникасини йўқотгани тўғрисида ёзди.
Украина Қуролли Кучлари Бош штабининг билдиришича, Россиянинг 58 самолёти, 83 вертолёти, 363 танки ва 1205 та БМП ва БТРи йўқ қилинган.
Украина томони тақдим этаётган рақамларни уруш шароитида мустақил текшириш имконияти мавжуд эмас. Россия томони эса 27 февраль куни СУ-25 қирувчи учоғи украин ҳарбийлари томонижан уриб туширилганини тан олган ва бу борада бошқа маълумотларни бермаган.
Forbes Россия Украинага қарши отган ракеталарни мазкур ҳисоб-китобга киритмаган. Украинанинг билдиришича, Россия шу кунгача отган “Искандер” ва “Калибр” ракеталари қиймати 3 миллиард долларга тенг.
Forbes: Россия Украинада 5,1 миллиард долларлик ҳарбий техникасини йўқотди
Украинанинг Буча шаҳрида йўқ қилинган рус техникаси.