Франция Парижда ўз ҳаётини хавф остида қолдириб, тўртинчи қаватдан қулаётган болани сақлаб қолган Мали фуқароси Мамуд Гассамга Франция фуқаролигини олишга ёрдам беради. Бу ҳақда Гассамга Франция президенти Эммануэль Макрон ваъда берди.
22 яшар Гассамнинг тўртинчи қаватдаги болани қутқариш учун балконма-балкон чиқиб кетаётгани акс этган видео ижтимоий тармоқларда кенг тарқалди. Видео қаҳрамонининг шижоати ва чаққонлигидан ҳайратга тушган тармоқ юзерлари уни машҳур фильм қаҳрамонига менгзаб “Ўргимчак-одам”, деб атади.
Hero climbs up outside of Paris building to save child dangling from balcony. This guy Peter Parker as in Spiderman! Humanity still exists.Mamoudou Gassama (22 years old from Mali) scaled 4 storeys in 30 seconds to save child dangling. Good job brother, wakanda forever! pic.twitter.com/jJavpXDAGu
— ᵈᵉʷᵃ ᵏˡᵃˢᶤᵏ ᵃˡᵉˣᵃᶰᵈᵉʳ (@Dewa_Klasik) May 28, 2018
Францияга бир неча ой муқаддам келган малилик меҳнат муҳожирини Елисей саройида президент Эммануэль Макрон қабул қилди. У Мамуд Гассамнинг жасоратини “мислсиз”, деб баҳолади ва Франция маъмурлари унинг бу мамлакатда легаллашишига ёрдам беришини ваъда қилди.
Президент Макрон Гассамга керакли ҳужжатларни қўлга киритганидан сўнг ўт ўчирувчиликка ишга киришни тавсия қилди.
Шанба, куннинг иккинчи ярмида Франция пойтахтидаги кўчалардан биридан ўтиб кетаётган Мамуд Гассам кўпқаватли бино олдида тўпланиб турган одамларни, тўртинчи қават балконида эса, бир ёш бола осилиб турганини кўриб қолади ва дарҳол уни қутқариш учун балконларга осилиб, бир зумда (40 сонияда) тўртинчи қаватга етади.
Маҳаллий BFMTV канали мухбири саволларига жавоб бераркан, балконда осилиб турган болани кўриши билан "ҳеч нарсани ўйламагани, уни қутқарганини" айтган.
Қутқарувчилар воқеа жойига етиб келганида уларга иш қолмаганини кўрган.
Кейин маълум бўлишича, 4 яшар бола ўз уйида ёлғиз бўлган.