Германия ва Франция россияликларга Шенген визасини беришни бутунлай тақиқлаш ғоясига қарши. Бу ҳақда ЕИ ташқи ишлар вазирларининг 30 август куни Прагада ўтказиладиган учрашуви арафасида икки мамлакат вакиллари томонидан тарқатилган қўшма баёнотда айтилган.
Берлин ва Париж қаноатича, “россияликларнинг келажак авлодини бегоналатмаслик муҳим” ҳамда Россиядан бўлган талабалар, санъаткорлар, олимлар ва мутахассисларга виза олишга имкон берувчи мавжуд ҳуқуқий базани сақлаб қолиш керак.
Икки мамлакат Шенген визасини тақиқлаш Россияда “жипслашиш эффекти”ни юзага келтириб, у ерда миллатчилик ва аксилевропача кайфиятнинг кучайишига олиб келиши мумкинлигидан ташвишланмоқда, деб ёзган dpa агентлиги баёнотдаги мулоҳазаларга таянган ҳолда.