Грузия пойтахти Тбилисида 7 март оқшомида “хорижий агентлар” тўғрисидаги қонун лойиҳаси қабул қилинишига қарши парламент биноси олдида бўлиб ўтган намойиш куч билан тарқатилди.
‼️ Разгон проевропейской акции у здания парламента Грузии.📸 Mzia Saganelidze RFE/RL pic.twitter.com/GLATLbJB3Q
— Эхо Кавказа (@ekhokavkaza) March 7, 2023
Хабарларга кўра, полиция норозиларга қарши кўздан ёш сиздирувчи газ ва сувотарларни ишга солган, сўнгра намойишчилардан бир қанчаси тутиб кетилган.
Тбилисидаги норозилик чиқишларига сабаб бўлган қонун лойиҳаси сешанба куни биринчи ўқишда қабул қилинган бўлиб, лойиҳани 150 депутатдан 76 нафари ёқлаган, 13 киши қарши чиққан, 61 нафар депутат эса овоз беришдан тийилган.
Ҳужжат қабул қилиниши ортидан Грузия мухолифатининг минглаб тарафдори парламент биносини ўраб олишга ҳаракат қилган. Улар Тбилиси расмийларини “хорижий агентлар”га қарши Россия тажрибасидан фойдаланишга уринаётганликда айблашган. Пировардида намойишчилар билан полициячилар ўртасида тўқнашув содир бўлган.
Полиция начала применять водомет на митинге в Тбилиси. Участники акции выступают против законопроекта об «иноагентах». Его в первом чтении утвердили на парламентской сессии.#georgia #tbilisi pic.twitter.com/NrqN65PlLe
— Эхо Кавказа (@ekhokavkaza) March 7, 2023
Грузия президенти Саломе Зурабишвили фуқароларга мурожаатида парламент биноси олдида турган норозиларни қўллашини билдириб, “хорижий агентлар” тўғрисидаги қонунга вето қўйишини урғулаган.
АҚШнинг Тбилисидаги элчихонаси мазкур қонун лойиҳасининг қабул қилиниши ва намойишчиларга қарши куч қўлланишини “Грузия демократияси учун қора кун” деб атаган. Вашингтон “хорижий агентлар” тўғрисидаги қонун қабул қилиниши ортидан Грузияга қарши санкциялар жорий этилиши мумкинлигини истисно қилмаган.
Европа Иттифоқининг ташқи сиёсат бўйича мутасаддиси Жозеп Боррель қонун лойиҳасининг қабул қилиниши Грузиянинг ЕИга аъзо бўлиш интилишларига зид келишини билдирган. Мулозимга кўра, ҳужжат ЕИ қадриятлари ва стандартларига мувофиқ келмайди. Боррель Тбилиси расмийларини аҳолига тинч норозилик акцияларини ўтказиш ҳуқуқини беришга чақирган.