Ҳаитидаги зўравонликнинг янги тўлқини ҳукумат муассасалари ва гуманитар ёрдам бюросининг талон-торож этилишига олиб келди. The Associated Press агентлиги хабарига кўра, сўнгги ҳафталарда талончилар тўдалари давлат ва жамиятга улкан зарар етказишган. Тартибсизликларнинг энг сезиларли оқибатларидан бири мамлакатдаги асосий халқаро аэропортнинг ёпилиши бўлган. Тобора қулоч ёйиб бораётган хаос озиқ-овқат етказиб беришда узилишларга сабаб бўлиб, мамлакат аҳолисининг энг қашшоқ қатлами орасида очлик ёйилишига олиб келган.
Халқаро нашрлар қайдича, Ҳаитидаги аҳвол ёмонлашишда давом этмоқда. Reuters агентлиги 18 март куни Порт-о-Пренс яқиндаги қишлоқдан ўнта жасад “тез ёрдам” машиналарида касалхоналарга олиб кетилгани ҳақида хабар қилди.
ABC News телеканали 9 март куни Порт-о-Пренсе шаҳрида қуролли одамлар ҳукумат биноларига ҳужум уюштиришгани ҳақида хабар қилган. Телеканал манбаларига кўра, ҳужум мувофиқлаштирилган ва ошиғич бўлган: турли тўдалар бир вақтнинг ўзида президент саройи ва Ҳаити ғарбий департаменти полиция бошқармаси дохил бир неча ҳукумат биносига ҳужум қилишган.
Ўтган шанба куни БМТ Болалар жамғармаси (UNICEF) туғадиган аёллар ва чақалоқлар учун ичида реанимация техникаси дохил энг зарур ашёлар бўлган контейнерлардан бири талон-торож этилгани ҳақида билдирган эди. Бу воқеа Ҳаити пойтахти Порт-о-Пренседаги асосий денгиз портида содир бўлган.
UNICEF талончилик ва зўравонлик ҳолатлари энг кўп болалар муҳтож бўлган зарур ашёлар етказиб берилиши ишига зиён етказаётганини билдирган.