Испания жамоатчилик соғлиғини сақлаш институти мамлакатда кузатилаётган аномал иссиқ 360 кишининг ўлимига сабаб бўлганини маълум қилди. Ўлимлар сони ўтган жума куни чўққига чиққан – ўшанда жазирама туфайли 123 та ўлим ҳолати қайд этилган.
Аномал ҳарорат Европа жанубида 8 июлдан бери давом этиб келмоқда, Испаниянинг айрим ҳудудларида ҳарорат +45 даражагача етган.
Иссиқ тўлқини Португалияда ҳам кузатилган: мамлакат Соғлиқни сақлаш вазирлиги маълумотига кўра, 7 июлдан 13 июлгача иссиқ туфайли 238 киши вафот этган. Уларнинг аксарияти сурункали касаллиги бўлган қариялар экани айтилмоқда. 14 июль куни Португалияда ҳарорат +47 даражагача кўтарилган.
Жазирама туфайли Британиянинг айрим ҳудудларида, шу жумладан Лондон, Йорк ва Манчестер шаҳарларида фавқулодда ҳолат эълон қилинган.