СССР ва Россия киносининг таниқли актёрларидан бири Леонид Куравлёв 30 январь куни Москвада 85 ёшида вафот этди.
У 10 январь куни пневмония ташхиси билан Москвада коронавирус беморлари учун ташкил этилган Коммунарка касалхонасига ётқизилган эди. Куравлёв 22 январь куни касалхонадан чиқарилиб, қариялар учун хосписга кўчирилган.
Леонид Куравлёв ўзбек томошабинлари орасида “Иван Васильевич касбини ўзгартиради” фильмида профессионал ўғри Жорж Милослваский, “Афоня” фильмида сантехник Афанасий Боршчов, “Олтин бузоқ” фильмида Шура Балаганов, “Шундай йигит бор” фильмида ҳайдовчи Павел Колокольников ролари билан машҳур бўлган эди.