Франция президенти Эммануэль Макронга Маркиз оролларига ташрифи чоғида маҳаллий халқ анъанасига кўра “Те Ака Ики Тааоа” деган янги исм берилди. Исм таржимаси “олға босаётган ва узоққа борувчи буюк раҳбар” маъносини англатади.
"Il convient que l%27on vous donne un nom marquisien, Monsieur le président, nous vous nommons "Te Haka Iki Taaoa", qui signifie : le grand chef qui marche et qui ira loin". @EmmanuelMacron @Elysee pic.twitter.com/nnW7bzBXFT
— polynesiela1ere (@Polynesiela1ere) July 26, 2021
Франция нашрларининг ёзишича, Макроннинг расмий ташрифига бағишланиб Хива-Оа оролида ўтказилган тақдимотда маҳаллий либосларга бурканган 600 нафар раққос ва машшоқ иштирок этган. Бундан ташқари, Франция президенти оролда рассом Поль Гоген ва шоир Жак Брель қабрини зиёрат қилган.
Макрон Бешинчи Республика тарихида Марказ оролларига сафар қилган Франция президентларининг биринчисидир.
Маркиз ороллари Тинч океаннинг марказий қисмида жойлашган. У ерда 8 минг киши истиқомат қилади. Ўтган асрнинг 60-70-йилларида Франция минтақада ядро синовлари ўтказган. Бу борада суриштирув ўтказган журналистлар бу ерда яшовчи маҳаллий аҳолининг қарийб барчаси радиациядан таъсирлангани, бироқ бунинг учун товон пулини бир неча ўн кишигина олганини иддао қилишади.
Макрон сафари олдидан маҳаллий фаоллар Париж ороллар Франция томонидан мустамлакага айлантирилиши ҳамда ядро синовлари билан боғлиқ жиноятларни тан олиши лозимлигини қайд этгандилар.