Ўзбекистон ва Миср президентларининг Қоҳирада ўтган учрашувида, жумладан, Исроил-Фаластин масаласи, Россиянинг Украинага агрессияси муҳокама қилинди. Музокараларда бу масалаларда томонларнинг позицияси ўзаро мос келиши билдирилди. Бу ҳақда Қоҳирада бўлиб ўтган матбуот анжуманида Миср президенти Абдулфаттоҳ ас-Сиси ва Ўзбекистон президенти Шавкат Мирзиёев маълум қилди.
Абдулфаттоҳ ас-Сисининг айтишича, Ўзбекистон ҳам Миср каби “Фаластин ва Исроил 1967 йилда БМТ томонидан қабул қилинган резолюция асосида пойхти Қуддус бўлган икки ҳудудга бўлиниши лозим”, деб ҳисоблайди.
Ўз навбатида Шавкат Мирзиёев Сисининг бу сўзларини тасдиқлар экан: “Россия-Украина масаласини ҳам анчагина муҳокама қилдик ва бу борадаги қарашларимиз ҳам бирлигини тасдиқладик”, деб айтди.
Бундан аввал Ўзбекистон Россия-Украина можаросида беътараф позицияда эканини билдирган. Абдулфаттоҳ ас-Сиси ҳам Миср бу можарода бетараф эканини ва можарони сиёсий мулоқот йўли билан ҳал қилиш лозимлиги тўғрисида баёнот берганди.
2022 йилнинг 17 мартида Ўзбекистон ташқи ишлар вазири Абдулазиз Комилов Сенатда сўзлаган нутқида Тошкент “Украинанинг мустақиллиги, суверенитети ва ҳудудий яхлитлигини тан олиши ва Донецк ҳамда Луганцк халқ республикаларини тан олмаслиги”ни таъкидлаган эди. Шундан кўп ўтмай Комилов ташқи ишлар вазири лавозимидан озод этилганди.
Ўзбекистон ва Миср Украина ва Фаластин масаласида бир ҳил позицияда экани билдирилди
Ўзбекистон президенти Мисрга 20-21 февраль кунлари расмий ташриф билан борган эди.