Россия пойтахти Москвада 14 ноябрь куни полиция Озодликнинг рус хизмати билан ҳамкорлик қилган икки штатсиз мухбирни қўлга олди.
Юрий Лебедев ва Елизавета Мовчан кўчада ўткинчилардан интервью олаётган пайтда тутиб кетилган. Улар “Марьина Рошча” ИИБсига етказилган.
Қўлга олинганлар олдига адвокат кетган. Дастлабки маълумотларга кўра, журналистларни шахсини аниқлаш мақсадида ушлашган.
Сўнгги ойларда Россияда полиция Озодлик рус хизматининг штатсиз мухбирларининг журналистик фаолиятини амалга оширишларига тўсқинлик қилиб, қўлга олиши билан боғлиқ ҳолат бир неча бор кузатилган.