Ўлдирилиш олдидан: рус императори оиласининг суратлари
Николай II, унинг хотини Александра (ўнгда), уларнинг тўрт нафар қизи ва шаҳзода Алексей. Николай II 1917 йилда Феврал тўнтариши пайтида тахтдан воз кечди. Император оиласини 1918 йилда большевиклар буйруғи билан отиб ташлашди. Уларнинг жасадига кислота тўкилган ва шахтага ташлаб юборилган
Николай II Финляндияда. 1894 йилда отаси кутилмаганда ўлганидан сўнг у дўстига император бўлишга тайëр эмаслиги ва мамлакатни қандай бошқаришни билмаслигини айтган
Николай II ва унинг ўғли шаҳзода Алексей Петербург яқинида. Алексей Николаевичда гемофилия – қон кетиши билан боғлиқ ирсий касаллик бўлган
Романовлар оиласининг яқин дўсти Анна Вырубова (ўнгда) император қизлари малика Татьяна ва Ольга билан пляжда сайр қилмоқда
Император Николай II нинг хотини Александра (чапда) катта қизи малика Ольга ва Анна Вирубова билан. Анна Вирубова тўнтаришдан кейин ҳибсга олинган¸ аммо у Финляндияга қочишга муваффақ бўлди. У ўзи билан Романовлар оиласига тегишли 2600дан кўпроқ суратдан иборат олтита альбомни олиб кетган. Вирубова 1964 йилда Хельсинкида вафот этди.
Александрани "Штандарт" яхтасида қарши олишмоқда. Император оиласи шу яхтада дам олган ва расмий турнеларни амалга оширган.
Маликалар "Штандарт" бортида. Император қизлари кичкина пайтида улар яхтадан тушиб кетмасликлари учун ҳар биттасини кузатиб юриш учун алоҳида моряк ажратган.
Николай II қизлари билан Қримда
Польшанинг Спаласидаги ов майдонида кўприк. Император оиласининг 1912 йилги ташрифи пайтида шаҳзода Алексей қайиққа сакраëтиб йиқилиб тушади ва қорнидан жиддий жароҳат олади. Бу ички қон кетишига олиб келади ва шаҳзодага ўлим хавф солади
Николай II шаҳзода Алексей қорнидан жароҳат олмасидан олдин ўлдирилган буғу ëнида. Тахминлардан биттасига кўра¸ шаҳзодага ички қон кетишидан кейин ўзини тиклаб олишида сибирлик врач Григорий Распутин ëрдам берган. У кейинчалик император оиласининг яқин дўсти бўлган.
Александра қизи Татьяна билан. Уларнинг бир-бирига жуда яқин бўлгани айтилади.
Николай II (чапда) Швеция қироли Густавни "Штандарт" бортида қарши олмоқда
Шаҳзода Алексей. У оиласи билан ўлдирилган пайтда 13 ëшда эди
Шаҳзода Алексей (ўнгдан учинчи) денгизчилар кийимини кийган болалар билан ўйнамоқда. Андрей Деревенько (чапдан биринчи) шаҳзоданинг хавфсизлиги учун жавобгар бўлган икки тарбиячидан бири эди. Тўнтаришдан кейин Деревенько большевиклар томонга ўтди ва баъзиларга кўра¸ шаҳзодани масхара қилган. Унинг тақдири кейин қандай бўлгани номаълум
Клементий Нагорний (ўнгда) ҳам шаҳзода тарбиячиларидан эди. 1917 йилги тўнтаришдан кейин Нагорний кейинчалик ўлдирилишини билганига қарамасдан император оиласидан ажралмаган. Романовлар билан қамоқда ўтирган пайтда қамоқдагилар Алексейдан олтин занжирни тортиб олмоқчи бўлган пайтда у аралашган. Шундан кейин орадан бир неча кун ўтиб Нагорний ўлдирилган
Француз тили ўқитувчиси Пьер Жильяр ўқувчилари Ольга ва Татьяна Романова билан. Тўнтаришдан кейин Жильяр император оиласи билан бирга Тобольскка жўнатилган. Екатеринбургда Жильярни император оиласидан ажратиб олишди. Император оиласи ўлдирилганидан кейин Сибирда қолди. 1920 йилда Жильяр Узоқ Шарқ орқали Швейцарияга қайтди. 1962 йилда Лозанда вафот этди.
Маликалар онаси ва иккита ҳарбий билан
Денгизчилар "Штандарт" бортида
Татьяна Романова "Штандарт" бортида.
Маликалар Ольга, Татьяна ва Мария 1914 йилда "Штандарт" бортида. 1918 йил 16 июлдан 17 июлга ўтар кечаси отиб ташланганда Ольга 22 ëшда¸ Татьяна 21¸ Мария 19 ëшда бўлган.
Александра лойдан ясалган ҳайкалини томоша қилмоқда.
Ольга Романова "Штандарт" бортида
Император оиласининг саëҳати пайтида суратчи объективига тушган деҳқонлар. Бу сурат император оиласи альбомида оддий одамлар акс этган кам сонли суратлардан бири.
Императорнинг энг кичик қизи Анастасия отаси ва қандайдир ҳарбий ўртасида бўлган теннис ўйинидан кейин. Император оиласи ўлдирилган кечада Анастасия ўқ овозини эшитиб ҳушидан кетиб қолган. Бир қанча вақтдан кейин у ўзига келган ва бақирган. Большевиклар унга ташланиб уни ҳам ўлдиришган.
Великие княжны идут по палубе "Штандарта". Жизнь на борту корабля была спокойной и неформальной, матросы могли даже пофлиртовать с княжнами
Николай II уч қизи билан Петербург яқинидаги каналлардан бирида
1917 йилги тўнтаришдан кейин тўнтарувчилар қўлида асир бўлган Татьяна Романова боғларни қазишда ëрдам берган
Император Николай II ва унинг ўғли Алексей ўтин кесмоқда. Бир неча ойдан кейин уларни отиб ташлашади.