Россия Тергов қўмитаси Санкт-Петербургдаги кафеда 2 апрель куни содир бўлган портлашга алоқадор гумонланувчи аёл қўлга олингани ҳақида маълум қилди. Агар айблов исботини топадиган бўлса, 26 ёшли Дарья Трепова 25 йилгача қамалиши мумкин.
Якшанба оқшомидаги портлаш ҳарбий блогер Владлен Татарскийнинг (Максим Фомин) муштарийлар билан учрашуви чоғида рўй берган. Ҳодиса чоғида Татарский ўлган, яна жами 30 га яқин одам яраланган, улардан айримларининг аҳволи оғирлиги айтилмоқда.
Тергов тахминича, гумонланувчи кафега бюст солинган қути олиб келган, ичига портлаш мосламаси ўрнатилган бюст эса Татарскийга топширилган.
“Фонтанка” нашрининг ёзишича, Трепова Петербургнинг Виборг мавзедаги ижарага олган квартирада ушланган. Иддаога кўра, петербурглик бу аёлнинг ёнидан Ўзбекистон рейсига чипта чиққан.