Грециядаги темир йўлларнинг ишчи ва хизматчилари эскирган хавфсизлик тизими оқибатида ўнлаб киши ҳалок бўлганига норозилик сифатида бир кунлик иш ташлаш ўтказди.
Сўнгги хабарларга қараганда поездлар тўқнашуви оқибатида ҳалок бўлганлар сони 60 кишига етган.
Темиойўлчилар касаба уюшмалари ҳукуматни бир неча марта хавфсизлик тизими эскирганидан огоҳлантирган. Аммо расмий Афина бунга эътибор қаратмаган.
Би-би-сининг хабар беришича, Афинада темир йўлларни бошқарадиган Hellenic Train ширкати биноси олдида ўтказилган норозилик намойиши иштирокчилари полиция билан тўқнашган. Норозилик акциялари Салоники ва Лариса шаҳарларида ҳам ўтган.
Поездлар ҳалокати оқибатида Грецияда уч кунлик мотам эълон қилинган. Транспорт вазири истеъфо берган.
1 мартга ўтар кечаси Грецияда Афинадан Салоникига қараб ҳаракатланаётган йўловчи ташувчи поезд Лариса шаҳри яқинида юк ташувчи поезд билан тўқнашиб кетган эди. Дастлабки маълумотларда камида 38 киши ҳалок бўлгани, 85 киши жароҳатлангани ва 20 йўловчи бедарак кетгани хабар қилинганди.
Грецияда поездлар ҳалокати ортидан иш ташлашлар бўлиб ўтмоқда
Поездлар ҳалокати оқибатида Грецияда уч кунлик мотам эълон қилинган.