Олмаота туманлараро маъмурий суди шаҳар турғуни бўлган Рафиқ Жарилқасимовни 15 суткага ҳибсга олиш ҳақида қарор чиқарди, дея хабар қилди Озодликнинг қозоқ хизмати.
У Россия президенти Владимир Путиннинг Қозоғистонга келишини қораловчи видео ёйинлагани ортидан 13 октябрь куни қўлга олинган.
Sud.kz сайтида ёзилишича, Рафиқ Жарилқасимов Путиннинг Қозоғистонга келиши муносабати билан “ноқонуний митинг”га чиқишга чақирган. У маъмурий ҳуқуқбузарликлар тўғрисидаги кодекснинг 488-моддаси – “Қозоғистоннинг тинч йиғилишлар уюштириш ва ўтказиш тартиби тўғрисидаги қонунчиликни бузганлик” бўйича айбланган.