Қирғизистон парламенти жорий йилнинг 3 февраль куни бош вазир лавозимига Улукбек Марипов номзодини, у томонидан таклиф қилинган дастурни ҳамда янги ҳукумат таркибини тасдиқладилар.
Бош вазир номзоди тасдиқланганидан 2 соат ўтгач, янги ҳукумат аъзолари қасамёдга келтирилдилар. Парламент мажлислар залида ўтказилган мазкур маросимда президент Садир Жапаров ҳам иштирок этди.
Вазирлар Маҳкамасининг янги таркиби билан ҳукумат тузилиши ҳам сезиларли даражада ўзгарди – ундаги вазирлик, қўмита ва агентликлар сони 48 тадан 12 тага туширилди, янги ҳукуматда эса жами 16 аъзо фаолият юритадиган бўлди.