Қозоғистон президенти Қасим-Жомарт Тоқаев январь воқеаларида айбланиб қамалганларни оммавий афв этиш тўғрисидаги фармонни имзолади. Бу ҳақда президент матбуот хизмати 2 ноябрда маълум қилди.
Амнистияга асосан 2022 йилнинг 4-7 январь кунлари содир этилган “тартибсизликларга алоқадор” 1500 минг киши афв этилади. Бундан ташқари оғир ва ўта оғир жиноятларда айбланиб қамалганларнинг жазо муддатлари ярмига қисқартирилади. Амнистия террорчилик, экстремистлик, коррупция, давлатга хиёнат, қийноққа солиш ва оммавий тартибсизликларни уюштириш моддалари асосида қамалганларга нисбатан қўлланилмайди.
Январь воқеалари юзасидан 1112 киши судланган ва уларнинг 128 нафарига озодликдан маҳрум қилиш жазоси қўлланилган. Январь воқеаларида иштирок этгани учун жами ўн мингга яқин киши қўлга олинган эди.
Қозоғистонда йил бошидаги тартибсизликлар Манғистау вилоятининг Жанаўзен шаҳри аҳолиси 2 январь куни газ нархи қимматлаганига норозилик сифатида намойишга чиққани ортидан бошланиб кетган эди. Кейинроқ бу намойишлар бутун мамлакат бўйлаб ёйилган. 5 январдан сўнг қатор шаҳарларда, жумладан, Олмаотада намойишлар тартибсизликларга айланиб кетган ва ўқ отилган.
Қозоғистон президенти январь воқеаларида айбланиб қамалганларга амнистия эълон қилди
Январь воқеалари юзасидан 1112 киши судланган.