“Навальний LIVE” каналининг собиқ режиссери Алексей Яковлев Москванинг Шереметьево аэропортига қўнган учоқ ичида қўлга олинган ҳамда товламачиликка оид иш бўйича сўроқ қилиниши учун Тергов қўмитасига етказилган.
Бу ерда гап Коррупцияга қарши курашиш фондига тақдим этилган ионалар юзасидан товламачилик моддаси бўйича очилган иш ҳақида кетаётган бўлиши мумкин (Москва шаҳар суди шу йил 9 июнида Коррупцияга қарши курашиш фонди ва Навальний штабларини экстремистик ташкилот деб топиш бўйича қарор чиқарганди).
“Откритие медиа” нашри хабарига кўра, товламачиликка оид иш 2020 йил декабрида Алексей Навальнийга қарши очилганди. Тергов тахминига кўра, мухолифатчи нотижорат ташкилотлари учун иона ўлароқ йиғилган маблағнинг бир қисмини шахсий мақсадлари учун сарфлаган, деб ёзган “Медуза” нашри. Иона сифатида тушган умумий маблағ 600 миллион рублга яқини айтилса-да, Навальний бу маблағдан қанчасини сарфлаб юборгани очиқланган эмас.
Май ойида Коррупцияга қарши курашиш фондининг собиқ директори Иван Жданов фонднинг кўплаб ходими Тергов қўмитасига сўроққа чақиртирилганини маълум қилганди.