Доғистон раҳбари Сергей Меликов ҳаво десанти қўшинида хизмат ўтаган офицер Нурмагомед Гаджимагомедов ҳалок бўлгани ҳақида билдирди. Россия томонидан Украинада рус ҳарбийси ўлгани биринчи марта тан олинмоқда.
Меликов Гаджимагомедов ҳалок бўлгани тўғрисида Инстаграм каналида 26 февраль куни кечқурун маълум қилди ва унинг оиласига таъзия билдирди.
Катта лейтенант Гаджимагомедов Ингушетия Ички ишлар вазири ўринбосари Энгельс Гаджимагомедовнинг ўғли экани айтилмоқда.
Украина ҳукумати урушда шу кунгача камида 3 500 рус ҳарбийси ҳалок бўлгани ва яраланганини айтиб келади. Британия эса ўз разведкаси маълумотларига таянган ҳолда камида 450 Россия аскари ҳалок бўлгани тўғрисида билдирган. Кремль бу маълумотларга муносабат билдирмади.