Россияда коронавируснинг янги штаммига чалиниш ҳолати қайд этилди. Вирус Россияга Буюк Британиядан қайтиб келган шахсда аниқланган. Бу ҳақда Роспотребнадзор – Россиянинг федерал соғлиқни сақлаш агентлиги раҳбари Анна Попова маълум қилди.
Мулозима ушбу шахс қачон тест топширганига аниқлик киритмади.
B.1.1.7 деб номланган янги штамм Англияда 2020 йил сентябрь ойида аниқланган эди. Ўшандан бери у дунёнинг ўнлаб мамлакатига тарқалган.
Расмий маълумотларга кўра, Россияда бугунга қадар 35 миллиондан зиёд киши коронавирусга чалинган.
Мамлакат расмийлари мамлакатда ишлаб чиқилган “Спутник V” вакцинаси ёрдамида пандемияни назоратга олишга умид қилмоқдалар.