Советларнинг сув ости лидерлари

Сув ўтлари ўраб олган Владимир Ленин ҳайкали. Лидерларнинг сув ости водийси 1992 йил 25 августда ғаввослик мактаби инструктори Владимир Боруменскийнинг сув остига биринчи ҳайкални тушириши билан ташкил топа бошлаган.  

Ғаввос Иосиф Сталин ҳайкали ëнидан сузиб ўтмоқда. Сув остидаги ҳайкалларни биринчилардан бўлиб суратга олган Андрей Некрасовнинг Озодликка айтишича¸ бу лойиҳа СССР қулаб совет ҳайкаллари ағдарилиб ташлана бошлагандан кейин амалга оша бошлаганини айтди. Ҳайкаллар "бузғунчилар қўлига тушмаслиги учун" сув остига тушириб қўйилган. 

Ҳайкаллар 12-15 метр сув остида Тарханкут бурни соҳилидан 100 метрлар узоқда. 

Қрим ғарбида жойлашган Тарханкут бурни ўзининг ажойиб пейзажи ва тоза¸ тиниқ суви билан машҳур. 

Профессионал сув ости суратчиси Некрасов ҳайкалларни қайта топишни 2000-2001 йилларда бошлаганини эслайди.  

 

"Мен ва ўртоғим суратга олаëтганимизда кутилмаганда кимдир менга қараб тургандай туюлди... Бу сув ости ўтлари билан ўралган революционер Владимир Ильич Ленин ҳайкалининг юз қисми эди."

Космонавт Юрий Гагарин ҳайкали. 

Ҳайкаллар водийси энг яқин шаҳарчадан 7 километр узоқда жойлашган. Шунинг учун ғайриоддий бўлган бу "музей"ни кўришга фақат махсус ғаввослар келади.   

 

Ленин ҳайкали. 2016 йилда ҳайкаллар водийсига келган рус сайëҳи шундай дейди: "Жой жуда чиройли¸ лекин сув жуда совуқ. Биз сузишга ҳаракат қилдик¸ лекин кейин тушуниб етдикки¸ қоялар устида денгизга қараб ўтириб пиво ичиш бундан яхшироқ экан." 

Ленин ва Маркс. Некрасовнинг айтишича¸ қиш бўронларидан кейин ҳайкаллар бир-бирининг ëнига йиқилиб қолган бўлади.  

Яна Гагарин. Некрасов "сув ости музейини ташкил қилишга носталгия сабаб бўлдими ëки бошқа бир сабабми айтишим қийин" дейди.