Беларусь мухолифати лидери Светлана Тихановская ўз мамлакатидаги инқирозни ҳал қилиш учун юксак даражадаги халқаро конференция ўтказишга чақирди.
Тихановская Twitter'даги ўз саҳифасида Беларусдаги демократик кучлар, Европа Иттифоқи, Россия, Британия ва АҚШдаги миллий ҳукуматлар, парламентлар ва фуқаролик жамияти институтлари ҳамда Александр Лукашенко режими вакиллари билан биргаликда бу каби конференцияни ўтказиш “ўта муҳим”лигини билдирди.
Тихановская 6 май куни Европа Иттифоқини Беларусь фуқаролик жамияти ва иқтисодиётига ёрдам бўйича комплекс режасини ёйинлашга чақирганди. У 4 май куни Европа Иттифоқи ташқи ишлар вазирлари ва ЕИга аъзо мамлакатларнинг халқаро алоқалар бўйича қўмиталарига талабномалар юборганини айтган.
On Tuesday, I sent a letter to Foreign Ministers & Foreign Relations Committees of the EU countries, calling on them to support Belarusians. What can be done? 1. I urge the 🇪🇺 to impose targeted sanctions against those responsible for human rights violations. pic.twitter.com/eNKRBMgJgI
— Sviatlana Tsikhanouskaya (@Tsihanouskaya) May 6, 2021
Аввалроқ Тихановская АҚШ Конгресси комиссияси олдида онлайн чиқиш қилиб, уларни ҳам юқори даражадаги конференция ўтказишга чақирганди. У Қўшма Штатларни Лукашенкони “янада иҳоталаб қўйиш учун” дипломатиядан фойдаланишга чақирган. Мухолифатчига кўра, ҳозирда халқаро бирдамлик билан бир қаторда конкрет хатти-ҳаракатлар ҳам муҳимдир. У жаҳон ҳамжамияти Минск расмийлари “беларусликларни барча унутиши учун” ғайрат кўрсатаётган мамлакатдаги инқироз кўламини тушуниши лозимлигини қўшимча қилган.