2023 йилнинг январидан сентябригача Ўзбекистонга келган пул ўтказмалари ҳажми 8,4 миллиард долларни ташкил этган. Бу ҳақда Марказий банк бошқаруви раиси Мамаризо Нурмуродов 26 октябрь куни Тошкентда бўлиб ўтган брифингда маълум қилди.
Қайд этилишича, ўтган йилнинг шу даврига нисбатан пул ўтказмалари бўйича кўрсаткич 33,7 фоизга пасайган.
Нурмуродовга кўра, январь ойидан апрелгача ойлик пул ўтказмалари ҳажми 1 миллиард доллардан ошган эмас, май ойидан бошлаб эса келаётган сумма мазкур кўрсаткичдан ошиб келмоқда.