Толибон жангарилари Кобулда аёллар ҳуқуқлари чекланаётганига қарши норозилик акцияси ўтказганларга қарата ўқ отди.
Акция иштирокчиларидан бири Тамна Сиддиқийнинг Озодлик радиоси афғон хизматига билдиришича, жангарилар акция иштирокчиларига куч билан тарқатиш жараёнида ўқ узган. Бунинг оқибатида норозилардан бир неча нафари яраланган.
Акцияга чиққан аёллар “Иш, нон, эркинлик” деган шиорларни айтишган. Бироқ Толибон жангарилари отган ўқдан қанча аёл яралангани ва ҳалок бўлгани тўғрисида аниқ маълумот йўқ.
Толибон расмий вакили Озодлик радиосининг бу борадаги сўровига жавоб бермади.