Жанубий Африка Республикаси - ЖАРнинг энг йирик шаҳри бўлган Кейптаунда 1 январь куни Нобель Тинчлик мукофоти лауреати Десмонд Туту дафн этилди. Дафн маросими Тутунинг васиятига асосан ҳеч қандай дабдабаларсиз камтарона ўтказилди.
Ирқчиликка қарши курашнинг “бутунжаҳон рамзи” ўлароқ тамсил қилинган англикан черкови руҳонийси Десмонд Туту 26 декабрь куни вафот этган эди.
Жаҳон англикан черкови раҳбари Жастин Уэлби видолашув маросимида: “Биз қоронғулик аро умргузаронлик қилган вақтда у бизга ёруғлиқ олиб келган эди”, деб айтди.
ЖАР президенти Сирил Рамафос ўз нутқида Тутуни “миллатимизга озодлик, адолат ва тенглик учун кураш йўлини кўрсатган маънавий копас бўлган эди”, деб таърифлади.
Десмонт Туту 1984 йилги Нобель Тинчлик мукофоти лауреати бўлган.
Туту Жанубий Африка Республикасида оқ танлиларни қора танлилардан устун қўйган апартеид режимига қарши курашган машҳур шахслардан бири. Апартеид режими мамлакатда 1940 йилдан 1994 йилгача ҳукмронлик қилган.