АҚШнинг Киевдаги элчихонаси Украина қуролли кучлари Вашингтондан келган юкни қабул қилиб олаётганига доир фотосуратларни эълон қилди.
Расман билдирилишича, самолётда президент Жо Байденнинг кўрсатмасига асосан украин армиясига 60 миллион долларлик юк келтирилган. “Юк ҳарбий характерга эга бўлиб, Украинага биринчи марта етказилмоқда”, дейилади хабарда.
Россия бир неча марта АҚШни Украинага ҳарбий юкларни етказиб бермасликка чақирган. Москва фикрича, бундай ёрдам Киевни “Донбасс каби сепаратчи вилоятларни қайтариб олиш ҳаракати”га ундаши мумкин.
Аввалроқ Москва Британия Украинага танкларга қарши егил қуролларни етказиб берганини кескин танқид қилган.
Латвия, Литва ва Эстония ҳам аввал АҚШждан сотиб олган қуролларининг бир қисмини Украинага беришни режалаштираётгани ҳам хабар қилинган.