Украинага NASAMS ва Aspide зенит-ракета мажмуалари етиб келган. Бу ҳақда мамлакат мудофаа вазири Алексей Резников маълум қилди.
Вазирга кўра, бу Украина Қуролли кучларини янада кучлантириб, мамлакат осмонини янада хавфсизроқ қилади.
“Улар билан бизга ҳужум қилаётган душман аслаҳаларини уриб туширишда давом этамиз”, деган Резников ҳамкор давлатлар бўлган Норвегия, Испания ва АҚШга миннатдорлик билдирган.