Германияда украиналик ҳарбийларнинг биринчи гуруҳи Leopard 2 танкини бошқариш бўйича ўқув машғулотларини якунига етказишган. Бу ҳақда Conflict Intelligence Team (CIT) таҳлилчилар гуруҳи маълумот тарқатди.
Муаллифлар ўқув машғулотлари бошланганига оид илк хабар қарийб бир ой аввал пайдо бўлганини қайд этишган. Машғулотлар 6-8 ҳафтага чўзилиши тахмин қилинганди.
CIT таҳлилчилари украиналик танкчиларнинг Испаниядаги ўқув машғулотлари ҳали ҳам давом этаётганини қўшимча қилишган. 55 кишидан иборат биринчи гуруҳ тўрт ҳафталик курсни тамомлагани айтилмоқда.