АҚШ Марказий разведка бошқармаси бошлиғи Уильям Бернс CBS News телеканалига берган интервьюсида Хитой Россияга қурол етказиб бериш масаласини ўрганаётганини айтди.
Унга кўра, Пекин ҳозирча Украина урушида қўлланилиши мумкин бўлган қурол етказиб бериш масаласида якуний қарорга келмаган.
Аввалроқ CNN, Financial Times ва Spiegel Хитой Россияга қурол етказиб бериш бўйича шартнома имзолаши мумкинлиги ҳақида хабар берганди. Ўтган ҳафтада АҚШ давлат котиби Энтони Блинкен Вашингтон бундай шартномага қарши эканини ва Пекин бу ишни амалга оширса, муносиб жавоб қайтарилишидан огоҳлантирган эди.
Хитой яқиндагина Украина урушини тўхтатиш учун 12 банддан иборат тинчлик режасини таклиф қилганди. Унда давлатларнинг ҳудудий яҳлитлигини сақлаш, тинчлик музокаралари бошланиши учун аваалдан қўйилган шартларни бекор қилиш, “қонсиз уруш” менталитетидан воз кечиш, россияга қарши санкцияларни қоралаш каби таклифлар бор. Бироқ урушни тўхтатиш учун конкрет чоралар кўрсатилмаган.
Ғарб давлатлари Хитойнинг бу таклифи фақат Россия манфаатларига хизмат қилишини айтиб, уни қўлламади.
АҚШ разведкаси: Хитой Россияга қурол етказиб бериш масаласини ўрганмоқда
АҚШ Марказий разведка бошқармаси бошлиғи Уильям Бернс.