Путин раҳнамолигидаги "Единая Россия" ҳукмрон партияси Маориф вазирлиги ҳамда Таълим ва фан вазирлигига Украинадаги урушда иштирок этаётган талабаларга академик таътил беришни таклиф қилди. Бу ҳақда партия телеграм-канали орқали маълум қилинган.
Давлат думаси депутати Артём Метелев иддаосига кўра, ОТМлар 2022 йил баҳоридан ҳарбий хизматчилар учун академик таътил бериш амалиётини тўхтатиб қўйганлар. Депутат фикрича, бу чора уларнинг сиртдан таълим олиш ҳуқуқини чеклаб қўймоқда.
Аввалроқ Россия нашрлари Ростов вилоятидаги шаҳарларда, хусусан олий таълим муассасалари бинолари яқинида “Вагнер хусусий ҳарбий ширкати” реклама қилинган катта баннерлар ва эълонлар пайдо бўлгани ҳақида хабар қилишган. Мазкур ХҲШ президент Путинга яқин кўрилган петербурглик тадбиркор Евгений Пригожинга тегишли экани айтилади. Россия қонунчилигида хусусий ҳарбий ширкатлар фаолияти тақиқланган.
Россия расмийлари Украинадаги уруш муносабати билан мамлакатда оммавий сафарбарлик эълон қилинмаслиги ҳақида аввал бир неча бор баёнот беришган.