Европа Иттифоқининг аксилмонополия идоралари “Газпром” ширкатининг Германиядаги офисларида тинтув ўтказишди. Бу ҳақда ўз манбаларига таянган ҳолда Bloomberg нашри ва Reuters агентлиги хабар қилди.
ЕИ расмийлари Gazprom Germania GmbH ҳамда Wingas GmbH ширкатлари офисларига текширув ўтказиш учун боришган. Мамлакат импорт қилаётган газнинг 20 фоизини шу ширкатлар етказиб беришади. Текширув мазкур ширкатлар томонидан истеъмол нархини ошириш учун етказиб берилаётган газ миқдорини камайтирганлик тахмини асосида ўтказилмоқда.
2021 йил кузида Европа газ бозорида ёқилғи танқислиги сезилган. Владимир Путин буни юзага келган об-ҳаво шароити, ерости омборларига газ етарлича тўлдирилмагани ва Еврокомиссиянинг иқтисодий сиёсати билан изоҳлаган.
2021 йил баҳоридан декабригача газ нархи минг куб метр учун 250 доллардан 2000 долларгача кўтарилган, 2022 йил март ойи бошида эса нарх 3000 доллардан ошган.