Ўзбекистон Марказий банки жорий йил 17 ноябридан валюталарнинг сўмга нисбатан янги қийматини белгилади.
МБ маълумотига кўра, сешанбадан АҚШ долларининг расмий курси ўтган ҳафтага нисбатан 12 сўм 5 тийинга кўтарилиб, 10 минг 390 сўм 93 тийинни ташкил этади (ўтган ҳафта доллар курси 12 сўм 2 тийинга ошиб, 10 минг 378 сўм 88 тийин бўлган эди).
Евронинг расмий курси эса олдинги курсга нисбатан 27 сўм 26 тийинга пасайиб, 12 минг 294 сўм 55 тийинга тенг бўлади (ўтган ҳафта евро курси 247 сўм 53 тийинга юқорилаб, 12 минг 321 сўм 81 тийин бўлган).
Валюта қийматини белгилаш чоғида Марказий банк мазкур валюталарни ушбу қийматда сотиш ёки сотиб олиш мажбуриятини зиммасига олмаган.